ပုတီးစိတ်နည်း
ပုတီးစိပ်ခြင်းသည် စိတ်တည်ကြည်၍
သမာဓိရလွယ်သော အလုပ်ဖြစ်သည် ။
၁။ ပုတီး၌ စိတ်ကို မရောက်စေရ။
၂။ ဂုဏ်တော်ကိုစိတ်၌ ထင်မြင်အောင်ပွားရမည်။
( အရဟံ အဓိပ္ပါယ် စသည်ကို သိအောင်ပြုပြီး
ပါဠိ + အဓိပ္ပါယ် နှစ်မျိုးလုံးပွားလျှင် ပိုကောင်း၏ )
၃။ ဘုရားဂုဏ်တော်ကို တိုတိုအားဖြင့်
ထင်မြင်အောင် ပွားများရမည် ။
( "သော ဘဂဝါ ဣတိပိ အရဟံ"
ပူဇော်အထူးကို ခံတော်မူထိုက်သောမြတ်စွာဘုရား။
စသည်ဖြင့် တိုတိုနဲ့လိုရင်းသာ ပွားများရမည်
ဒါမှ စိတ်တည်ကြည်၍ သမာဓိရလွယ်၏ ။ )
၄။ ဂုဏ်တော်ပွားပြီးလျှင် သစ္စာပြုပါ ။
("တပည့်တော် / မ သည် ဘုရားဂုဏ်တော်
များကို စိပ်ပုတီးဖြင့်ပွားများခဲ့ပါသည်
ဤစကားသည်မှန်ပါသည်ဘုရား"
ဤမှန်သောသစ္စာစကားကြောင့်လည်းကောင်း။
ဤဘုရားဂုဏ်တော်၏ တန်ခိုးတေဇော်အာနုဘော်
ကြောင့်လည်းကောင်း တပည့်တော် / မ သည်
"စာမေးပွဲအောင်မြင်ရပါလို၏ဘုရား" ။
( မိမိလိုသောဆု တစ်ခုကိုသာ မပြောင်းမလွဲတောင်းပါ)
၅။ အမျှဝေပါ ။
ယနေ့ ပြုလုပ်ရသော ဒါနကုသိုလ်.သီလကုသိုလ်.
ဘာဝနာကုသိုလ်အစုစုတို့ကို ကိုယ့်စောင့်နတ်
အိမ်စောင့်နတ်စသော နတ်ဒေဝါ အပေါင်းတို့အား
အမျှပေးဝေပါ၏ ...
( စသည်ဖြင့် ၃၁.ဘုံ အားလုံးကို အမျှပေးဝေပါ )
Comments
Post a Comment